Recent Posts

11 junio 2015

Testos pa trabayar Competencies Clave na ESO


A lo llargo’l cursu 2014-2015, un garapiellu profes de Llingua asturiana, tuvieron trabayando nel diseñu y desendolque d’una propuesta didáutica pa trabayar les competencies clave con testos d’estremada tipoloxía.

Organizaos como Grupu de Trabayu Intercentros del CPR Xixón-Oriente, entamaron a trabayar nuna interesante propuesta didáutica que na no primer fase algamó un conxuntu de testos y un cuadernu d’actividaes estremaes pa caún d’ellos, ente les qu’había xeres pa trabayar les competencies clave, la comprensión, la creación, la lliteratura…

Nesi cursu ellaboráronse les actuaciones didáctiques dirixíes a 1u y 2u d’ESO, que se completaron nel cursu 2015-2016 y nel presente 2016-2017 cola incorporación de xeres pal restu niveles d’Educación secundaria y Bachilleratu.

El trabayu complétase con unes guíes de llectura d’obres escoyíes con procuru pa los niveles citaos enriba.
Esti Grupu de Trabayu Intercentros tien como guíes d’actuación les que vienen darréu:
·         Promover la convivencia y participación.
·         Potenciar l’usu d’estratexes metodolóxiques actives.
·         Reconocer la diversidá funcional del alumnáu.
·         Fomentar la igualdá.
·         Aplicar métodos pal usu de les Tecnoloxíes de la Información y la Comunicación (TIC/TAC)
Tol material ellaborao ta recoyíu nun sitiu web, en concretu nun blog nel que vas alcontrar los materiales en formatu PDF pa poder descargalos y al que va podese llegar dende l’enllace que veis equí:


Prestaríamos acabar dando-yos les gracies a Mercedes Calzada, María Cuervo, Xurde Fernández, Marián García, y Nuria Sánchez, pol trabayu fechu y pola puesta a disposición d’esti a tol profesoráu.