La xeneración de necesidaes comunicatives y de contestos educativos creativos onde se premie l'expresividá ye la base d'un aprendizaxe llingüísticu significativu y del desendolque de la competencia comunicativa. El CPR de Xixón-Oriente xuntu col Atenéu de La Calzada organicen un cursu pal profesoráu de Llingua Asturiana de Primaria dedicáu a esplorar dellos recursos de la microficción que sirvan como ferramienta pa
l’apropiación del léxicu asturianu al empar que s’afonda na educación
lliteraria al traviés de la composición de textos y la llectura de los mesmos.
Compleméntase e interrelaciónase, amás, con un trabayu en ilustración, que tiende
pontes ente la lliteratura y otres manifestaciones artístiques y plástiques, al
empar que se potencia la creación y educación artística del alumnáu.
Esta aición formativa enmárcase na collaboración del CPR de Xixón-Oriente cola organización de les XXII Xornaes de Llingua y Cultura Asturiana, que tendrán llugar el próximu añu.
Más información e inscripciones.